Come meet us!

Það var ævintýri líkast að fara í VIH haustið eftir að ég kláraði menntaskóla. Mér fannst upplagt að taka mér eitt ár frí fyrir háskólann og langaði að prufa eitthvað nýtt og spennandi. Í VIH er tekið vel á móti fólki bæði af nemendum og kennurum. Það er alltaf nóg að gera, sérstaklega í íþróttum; kynnast nýju fólki eða bara „hygge sig“ eins og Danir segja svo oft.

Föstudagar voru uppáhaldsdagarnir mínir, þá byrjuðum við á morgunmat fyrir kl. 8:00, fórum svo í smá morgunstund með öllum nemendum og kennurum skólans. Þar var oft sungið og málin rædd. Eftir morgunstundina fór ég annað hvort í yoga eða crossfit .. síðan hádegismatur sem var iðulega danskt rúgbrauð með öllu því besta sem Danir bjóða upp á. Eftir hádegi voru síðan aftur íþróttir, mér fannst skemmtilegast að gera eitthvað úti, eins og að hlaupa í skóginum, fara í sund eða kafa. Um kvöldið var síðan svokallað „fredagsbar“ og þá var oftast dansað fram á nótt!

Mæli hiklaust með VIH – besta og skemmtilegasta ævintýri sem ég hef lagt í.